O le a taoto ia le fiso ma ona lau i paia faataotooto o le asosi mamalu. Ou te taofi o outou sa ma faigā e le toe autalaina e sa’u faamatalaga o paia ua uma ona tuuautapu ma mamanu faatiti, tulouna lava.
Ae avea lenei avanoa e fai a’u ma sui o le Komiti Faafoe, kalapu ma totino uma o le Iuni Lakapi a Amerika Samoa, e momoli atu ai le agaga o le faafetai ma le faamalo I le Asosi a Marist Pago ona o le faamoemoe e pei ona faataunuuina foi i lenei tausaga, Aperila 26 & 27, 2024 e taualuga ai le le faamanatuina o le Fu’a a Amerika Samoa. Ia maua e ‘au uma o le a tausinio se taamilosaga faatamalii, ina ia amata ai le fiafia, ae faaiu I le manuia, o le vi’iga lena o le Atua.
On behalf of the American Samoa Rugby Union, I extend a FAAFETAI TELE to the Marist Pago Association for once again organizing and hosting another international sevens as the finale of the American Samoa Flag Day celebration.
Best of Luck to all participating teams and I look forward to another successful event.
Soifua,
Falefata Moli Taai Lemana,
President/Chairman of the American Samoa Rugby Union
